ដោយ៖ឧត្តរ

ឧត្តរមានជ័យ÷ឯកឧត្ដម មាន ចាន់យ៉ាដា អភិបាលខេត្តឧត្តរមានជ័យ បានថ្លែង ក្នុងឱកាសរៀបចំ សង្ក្រាន្តឧត្តរមានជ័យ ដែល ប្រព្រឹត្តទៅនៅរដូវចូលឆ្នាំថ្មី ឆ្នាំ២០២៥ ខាងមុខនេះថា៖ ពិធីបុណ្យបានរៀបចំឡើងដោយមានការដំឡើងតំបន់សួនច្បារដែលតុបតែងយ៉ាងស្រស់ស្អាត សមស្របសម្រាប់ភ្ញៀវទេសចរ និងការអបអរសាទរផងដែរ។

ឯកឧត្ដម បានបញ្ជាក់ថា មានការរៀបចំ តំបន់ម្ហូបអាហារមូលដ្ឋាន ដែលជាស្នាដៃបង្កើតដោយប្រជាពលរដ្ឋក្នុងតំបន់ផ្ទាល់ ដែលបង្ហាញពីអត្តសញ្ញាណវប្បធម៌មូលដ្ឋាន និងជួយលើកស្ទួយសេដ្ឋកិច្ចសហគមន៍។

ឯកឧត្ដមបានបន្ថែមថា ការរៀបចំពិធីនេះ មិនត្រឹមតែផ្តោតលើការសប្បាយរីករាយប៉ុណ្ណោះទេ ប៉ុន្តែថែមទាំងជាចំណុចសំខាន់មួយសម្រាប់បង្កើនចំណូលដល់ប្រជាជនតាមរយៈការលក់អាហារមូលដ្ឋាន និងការបង្ហាញស្នាដៃបែបវប្បធម៌ខ្មែរ។

សង្ក្រាន្តឧត្តរមានជ័យ ឆ្នាំ២០២៥ នេះ គឺជាឱកាសមួយសម្រាប់ទេសចរជាតិ និងអន្តរជាតិបានស្វែងយល់ និងជះចំណូលចិត្តលើអរិយធម៌របស់ខេត្តដែលកំពុងមាន និងជួយជំរុញការអភិវឌ្ឍក្នុងតំបន់ផងដែរ៕